22 жастағы қазақстандық боксшы Бек Нұрмағанбет (3-0, 2 КО) 31 жастағы ганалық қарсыласы Эммануэль Дансоны (35-6, 26 КО) жеңді,- деп хабарлайды Vesti.kz.
Жартылай ауыр салмақтағы жекпе-жек толық алты раунд жалғасты. Алайда соңғы раундта төреші қазақ боксшының анық басымдығына байланысты кездесуді тоқтатты. Дансо ары қарай айқасуға дайын екенін айтып, наразылық білдірді. Дегенмен, шешім шығып қойған еді. Осылайша, Бек техникалық нокаутпен жеңіске жетті.