Әйелдер арасында фристайлдан қазақстандық спортшы Юлия Галышева Жапонияның Саппоро қаласында өтіп жатқан Азия ойындарында алтын медаль алды, - деп хабарлайды
Vesti.kz.
"Оңай болған жоқ, осы қарсыластарым Әлем кубогында өнер көрсетеді. Өте ауыр болды, әрбір стартта осы мықтылармен жарысамыз. Бірақ мұнда кімнің шын мәнінде мықты екені анықталды", - деді Галышева жарыстан кейін.
© Данияр Майлыбаев
Ал ерлер арасында фристайлшы Дмитрий Рейхерд қола медаль жеңіп алды. Рейхерд бүгін, 24 ақпанда өткен жұп могул жарысында үшінші орын алды.
© Данияр Майлыбаев
Сондай-ақ, бүгін ерлер арасында із қуу жарысында қазақстандық
Ян Савицкий күміс жүлде алған болатын. Ал із қуу жарысында
Галина Вишневская алтын медальға ие болған.
Жарнама