FISU Қазақстан Қытайды 22:0 есебімен жеңгеннен кейін жарыстың форматын өзгертуді жөн көрді

Фото almaty2017.com сайтынан алынды

Халықаралық студенттер ойыны қауымдастығы (FISU) Алматы қаласында өткен Бүкіләлемдік 28-ші қысқы Универсиадаға қатысқан хоккей құрамаларының деңгейлеріне көңілі толды, дегенмен де жарыстың өткізілу үлгісін өзгертуді жөн көріпті. Бұл жөнінде FISU Олег Матыцин мәлімдеді.

Жарыстың алғашқы күні хоккейден Қазақстан ерлер құрамасы қытайлық қарсыластарының қақпасына жауапсыз 22 шайба соққан. Ал ақтық ойында қазақстандық хоккейшілер ресейліктерге 1:0 есебімен жеңіліп, күміс жүлдені қанжығалады.

"Хоккей матчтарының деңгейін көріп, қуанышты болдық. Спортшылар Универсиада ойындарына қатысу туралы түрлі пікірде. Финалдық матчтар өте жоғары деңгейде өтті. Алайда бұл жарыста кейбір құрамалардың деңгейлеріні жер мен көктей айырмашылық бар екенін көрсетіп бергендей. 22:0 секілді есепті болдырмау үшін FISU хоккейден өтетін жарыстың үлгісін өзгертуді шешті. Мүмкін құрамалардың деңгейін саралай отырып, екі топқа бөлеміз. Қатысушы ұжымдардың дайындығы жақсы екені білініп тұрды. Төрешілердің жұмысына да оң баға берілді. Әрине, кейбір жерде қателесіп жатты", - деді Олен Матыцин "Р-Спорт" сайтына.

Әлеуметтік желілерде бөлісу