Патрик Твумаси Еуропа лигасындағы "Вильярреалға" қарсы кездесуге қатыспауы мүмкін

Сурет "Астана" клубының ресми сайтынан алынды.

Елордалық "Астана" клубының жартылай қорғаушысы Патрик Твумаси тобығынан алған жарақатына байлайнысты Германияға медициналық тексеріске кетті, деп хабарлайды Ghana Soccernet.

13 қараша күні Твумаси 2018 жылғы әлем біріншілігінің іріктеу кезеңінде Гана құрамасы сапында Мысыр футболшыларына қарсы өткен ойында өнер көрсетті. Жартылай қорғаушы 41 минутта жарақат алып қалған Нана Ампоманың орнына шықты.

Енді жуық арада Германияда медициналық тексерістен өтеді. Сондықтан да оның келесі Еуропа лигасы аясында "Вильяреалға" қарсы өтетін ойынға қатыспай қалуы мүмкін.

Айта кетейік, негізі Твумасидің Мысыр құрамасына қарсы ойынға қатыспауы да мүмкін еді. Бірақ Гана құрамасының дәрігерлері жартылай қорғаушыны дер кезінде емдеп үлгенді.

23 жастағы Твумаси биылы маусымда Еуропа лигасынла төрт ойынға қатысып, үш гол соқты. Ал жазда ол Чемпиондар лигасында алты ойынға қатысып, бес рет қанжығасын майлады. Бұрнағы күні жартылай қорғаушы еурокубоктардағы елордалық клубтың үздік сұрмергені.

Ал Еуропа лигасының бесінші турындағы "Астана" және "Вильяреал" клубтары арасындағы кездесу 23 қараша күні Астана қаласында өтеді. Бұл екі команда да қазір А тобында көш бастап келеді. Тарқатып айтсақ, "Вильяреалдың" еншісінде сегіз, ал "Астананың" қоржынында жеті ұпай бар.

Әлеуметтік желілерде бөлісу