Әлеуметтік желі арқылы кіру
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
По-русски Табло
Сайтқа кіру
Әлеуметтік желі арқылы кіру:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

Бурабайда триатлоннан ел чемпионаты аяқталды

Эстафеталық жарыста 1 сағат 8 минут 47 секунд уақыт көрсеткішімен "Ironciti Kokshetau" командасы жеңімпаз болды.

Бурабайда триатлоннан екі күнге созылған ел чемпионаты өз мәресіне жетті. Жарыстың екінші күні Elite (кәсіби спортшылар) дәрежесіндегі спортшылар жарыс жолына шығып, спринтерлік қашықтық бойынша (500 м жүзу, 12 шақырым веложарыс, 4 шақырым жүгіру) өзара үздіктерді анықтады.

Желді ауа райы мен судағы толқындар қатысушыларға қиындық тудырғандай көрінгенмен, жарыстың жоғары деңгейде өтуіне кедергі болған жоқ. Күн райы 24 градус болса, судағы температура көрсеткіші 19 градусты көрсетті.

Суда жүзу бағдарламасынан кейін Қарағанды облысынан келген Антон Чиканков алға шықты. Ол басты қарсыластарынан 2 минутқа ұзап шыққан. Алайда велокезеңде ол жарыс жеңімпазы атанған Александр Куцевке жол берді. Шығыс Қазақстаннан келген Александр 1 сағат 5 минут 43 секунд уақыт көрсеткішімен топ жарды. Күміс медальды Антон алса, қоланы Кирилл Рябцев қанжығасына байлады.



Қыздар арасында жүлделі орынға Шығыс Қазақстаннан келген арулар таласты. Бірінші болып мәреге Іңкәр Мәңгібаева жетті. Оның уақыт көрсеткіші 1 сағат 13 минут 5 секундты құрады. Екінші орынға Виктория Бабина (1 сағат, 20 минут, 25 секунд) ие болды. Үздік үштікті Анастасия Маврина (1 сағат, 22 минут, 8 секунд) түйіндеді.

Әуесқойлар арасындағы (Age Group) “TEMIRADAM” кубогының VI кезеңі де қатар өтті. Жекелей сында 87 атлет, эстафеталық жарысқа 9 команда қатысты. Олар да спринттік сын (750 метрге жүзу, 20 шақырымдық веложарыс, 5 шақырым жүгіру) бойынша бақ сынады.

Ерлер арасында үздік нәтижені бұрынғы кәсіби спортшы, Нұр-Сұлтандағы федерация жаттықтырушысы Сергей Бондаренко көрсетті. Ол аталған қашықтықты 1 сағат, 7 минут, 42 секундта бағындырды. Ал қыздар арасында шаңғы спортынан халықаралық дәрежедегі спорт шебері, Солт-Лейк пен Туриндегі қысқы Олимпиада ойындарына қатысқан, V Азия ойындарының жеңімпазы, 2013 жылы Трентинодағы қысқы Универсиада ойындарында топ жарған Дарья Старостина үздік шықты. Ол мәреге 1 сағат 21 минут 46 секундта жетті.



Эстафеталық жарыста 1 сағат 8 минут 47 секунд уақыт көрсеткішімен "Ironciti Kokshetau" командасы жеңімпаз болды.

Жарыс туралы, сондай-ақ нәтижелері жайлы толық ақпаратты Қазақстан триатлон федерациясының ресми сайтынан көре аласыздар.  
Әлеуметтік желілерде бөлісу
Новости
12 қазан 2018
16:28