"Реалдың" бұрынғы жартылай қорғаушысы бас бапкерлік қызметінен қуылды

Гути. Сурет: "Альмерия"©

Мадридтік "Реалдың" бұрынғы жартылай қорғаушысы Гути (Хосе Мария Гутьеррес Эрнандес) "Альмерия" командасының бас бапкерлік қызметінен кетті. Бұл ақпарат клубтың Twitter парақшасында жарияланды.

43 жастағы маманмен клуб екі жақты келісім бойынша шартнаманы бұзған. Бұдан бұлай Гутидің орнын 43 жастағы португалиялық маман Мариус Силва басады. Ол футболшы кезінде "Боавишта", "Нант", "Порто" және "Рекреативо" секілді командаларда ойнаған.

???? José María Gutiérrez deja de ser nuestro entrenador tras alcanzar un mutuo acuerdo con el club. Muchas gracias José María por todos tus esfuerzos y por tu dedicación a nuestros colores. Te deseamos todos los éxitos posibles en tu carrera. pic.twitter.com/TFBY5hXadS
— UD Almería (@U_D_Almeria) June 26, 2020

Гути "Альмерия" командасын 2019 жылдың күзінен бастап жаттықтырды. Ал оған дейін ол "Реалдың" жастар құрамасын жаттықтырған. Сондай-ақ испаниялық маман "Бешикташтың" бас бапкерінің көмекшісі болған.

Биылғы маусымда "Альмерия" 35 турдан кейін Сегундада (Испанияның екінші біріншілігі) үшінші орында келеді. Команданың еншісінде 56 ұпай бар. Екінші орыннан бес ұпайға қалып келеді. Ал Испанияның Ла Лигасына бірінші тұрған екі команда тікелей жолдама алады.

Әлеуметтік желілерде бөлісу