Головкин Джейкобсты карьерасындағы ең қауіпті қарсылас екенін мойындады

Қазақстандық кәсіпқой боксшы Геннадий Головкин америкалық Дэниэл Джейкобсты сыйлайтынын және карьерасындағы ең қауіпті қарсыласы деп есептейтінін мойындады, - деп хабарлайды Vesti.kz.

"Мен өзімді тамаша сезініп отырмын және қатты толқып жүрмін. Бұл жекпе-жекке дайынмын. Дэниэл Джейкобс - өте мықты боксшы және күші мығым. Ол жай ғана боксшы ғана емес, жақсы атлет. Мен әр күні қажырлы еңбектеніп жатырмын. Мен соққы күшін ғана емес, таймингті (жекпе-жектің ұзаққа созылуына да) де жаттықтырып жатырмын.

Джейкобс - мен жұдырықтасып көрген боксшылардың ішіндегі ең қауіптісі. Мен оны сыйлаймын, жақсы жігіт. Дэниэл ракты жеңген. Мен оның бірнеше жекпе-жегін көрдім, мықты сияқты. Ол мен үшін ең қиын қарсылас болады деп есептеймін", - дейді Головкин.

Еске салайық, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақылы трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді. Отандасымыздың бұл жекпе-жегін "Қазақстан" ҰТА мен "Kazsport" телеарнасы тікелей эфирде көрсетеді. Трансляцияның басталуы 19 наурызда 08:00-де.

Әлеуметтік желілерде бөлісу