Қанат Ислам Америкадағы қазақтарды Әшкеев пен Нұрсұлтановты қолдауға шақырды

Қанат «QAZAQ» Ислам қазақстандық боксшы Мейірім Нұрсұлтанов пен Мадияр Әшкеевтің алдағы өтетін жекпе-жегіне Америкадағы қазақтарды қолдау көрсетуге шақырды.

Кәсіпқой боксшы Қанат Ислам 3-наурызда кезекті жекпе-жектерін өткізетін талантты былғары қолғап шеберлері Мейірім Нұрсұлтанов пен Мадияр Әшкеевтің кездесуіне арнайы қолдау көрсету үшін Нью-Йорк қаласына барып, америкалық қазақтарды да қос саңлағымызға қолдау көрсетуге шақырды. Ол өз сөзінде: «3 наурызда Madison Square Garden-де екі бірдей інім Мадияр Әшкеев пен Мейірім Нұрсұлтанов өздерінің кезекті жекпе-жектерін өткізеді. Екеуінің де болашағы зор. Алдағы жұдырықтасуда батырлардың ел абыройын асқақтатып, көк туды желбірететіндеріне сенемін. Сіздер де қолдауға келіңіздер, Америкадағы қазақтар!», – дейді QAZAQ.

Айта кетейік, Мейірім Нұрсұлтанов шаршы алаңда 5 жекпе-жек өткізіп, барлығында жеңіске жетсе, 4 кезесуін нокаутпен аяқтаған. Ал Мадияр Әшкеев 8 кездесу өткізіп, 4 жекпе-жегін уақытынан бұрын аяқтаған. Қос саңлағымыз Ковалев пен Игорь Михалкин арасындағы жекпе-жектің андеркардында жұдырықтасады. Мейірім мексикалық Алехандро Торреске (9-3 4KO) қарсы жекпе-жекке шықса, Әшкеев доминикалық Хосе Антонио Абреруге қарсы жұдырықтасады.

Әлеуметтік желілерде бөлісу