"Канелоның" спарринг қарсыласы болған қазақстандық боксшы Golden Boy Promotions компаниясымен не үшін келісімшарт жасамағанын айтты

Қазақстандық кәсіпқой боксшы Бобыржан Момынов (4-0, 4 КО) Vesti.kz порталының тілшісіне не үшін Golden Boy Promotions промоутерлік компаниясымен келісімшарт жасамағанын және оның Аргентинадағы екінші кездесуі не үшін өтпей қалуы мүмкін екенін айтып берді. 

- 20 қазан күнгі жекпе-жекте қарсыласым жарақат алып қалды. Егер оның орнына басқа қарсылас табылмаса, жекпе-жек өтпейді. Мен бұл кездесуде тас-түйін дайынмын. 

- Аргентинада Амиртаноға қарсы өткен бірінші кездесу туралы айтсақ. Ол кездесу сіз үшін қалай өтті?

- Ол кездесуде қарсылас бірінші және үшінші раунда нокаутқа түсті. Ол кездесуде менің де ұпайымды алды. Жақын арада тұрып жұдырықтасып жаттық. Төреші мені басыммен қауіпті қимыл жасады деп, тоқтатты. Сөйтіп менен ұпай алып тастады. 

Содан соң мен кездесуде тез аяқтауды ойластыра бастадым. Алға қарай барып, қарсыласымды соққының астына алды. Жекпе-жекті оңай болды деп айта алмаймын. Өйткені, мен көп салмақ қудым. Оның үстіне 11 сағат ұшып бардым. Шамалы шаршап қалдым. 

- Ол кездесудің алдында қанша салмақ қудыңыз?

- Негізі мен салмағымды 73 келіден түсіретін еді. Ол жолы 76-77 келіден төмен қарай қудым. 

- Шамамен 10 келі гой иә?

- Иә. Бірақ салмақты бірден қуған жоқпын. Ақырындап. Қант қосылған және тәтті нәрселерді жемеймін. Сорпа ішіп, ет, дәрумен және жеміс-жидек жеймін. Диетада отырамын. 

- Аргентинада көрермендер сізді қалай қабылдады. Өйткені, сіз алаң қожайынымен кездестіңіз ғой ...

- Жергілікті жанкүйерлер отандастарына жанкүйер болған. Өйткені, ол расында өз елінде жұдырықтасты. 

- Жуырда Арман Рысбектің кәсіпқой боксқа ауысқаны белгілі болды. Ол сізден кеңес сұрады ма?

- Иә. Ол менің жақын досым. Біз отбасымызбен бірге жақсы араласамыз. Америкада промоутерлер мен менеджерлер өте көп. Бірақ сенімдісін табу қиын. Басында жақсы ұсыныс жасап, кейін өз талаптарын орындамауы мүмкін. Қолымнан келгенше көмектесіп жатырмын. 

Бізге Golden Boy келісімшарт ұсынды. Алайда келісімшарттың бірнеше жері көңілімізден шықпады. Менеджерім қазір маған көбірек кездесу өткізуді айтып жатыр. Сондықтан да біз жақсырақ келісімшарт алу үшін асықпай, әлі қарастыратын боламын .

Қазір шамалы демалып жатырмын. Содан соң Қазақстанға, отбасымен барамын. Шамалы демалып, қайта жаттығуға кірісемін. 

Еске салайық, 26 жастағы қазақстандық боксшы Бобыржан Момынов кәсіпқой бокста төрт кездесу өткізіп, барлығында жеңіске жеткен. Соңғы кездесуін ол қазан айының басында Аргентина жерінде өткізіп, аргентиналық Леонарда Фабио Амитрано бесінші раудта нокаутпен жеңді.