Промоутер Лемье мен Сондерс кездесуінің қашан өтетінін айтты

Эрик Гомес және Давид Лемье. Фото: WordPress.com

Golden Boy Promotions промоутерлік компаниясының президенті, Давид Лемьенің (38-3, 33 KO) менеджері Эрик Гомес канадалық боксшы мен орта салмақта WBO белбеуінің иегері британдық боксшы Билли Джо Сондерс (25-0, 12 КО) арасындағы кездесудің қашан өтуі мүмкін екенін айтты.

Бұған дейін Бүкіләлемдік бокс кеңесі (WBO) бұл екі боксшы арасындағы жекпе-жекті міндеттеген еді. Боксшылардың командасы жекпе-жекті өткізуге 9 қараша деген келісімше келу керек. Кері жағдайда жекпе-жек бәссаудаға салынады.

"Біз WBO кенеңсінен хат алдын. Фрэнк Уоррен (Сондерстің промоутері) әлеуметтік желі арқылы хабарласып, келіссөзді бастады. Фрэнк чемпионның менеджері. Сондықтан да ол бізге ұсыныс жасауы керек. Содан кейін біз ары қарай келіссөздерді жүргіземіз. Олар жекпе-жекті Ұлыбританияда өткізгісі келетін шығар.

Бізде жекпе-жекті ұйымдастыруға 30 күн бар. Егер олар бәссауданы талап етсе, ол қарашаның 20-нан кейін өтеді. Содан соң жекпе-жекті өткізуге тағы 90 күн беріледі. Сол үшін де біз жекпе-жекті ақпан немесе наурыз айында өтетін деп отырмыз. Бірақ Давид желтоқсан айында да өткізуге дайын. Бірақ барлығы Уорренмен өтетін келіссөздерге байланысты болады", - деп келтіреді Гоместің сөзін BoxingScene.com порталы.

Әлеуметтік желілерде бөлісу