Ковалев Шабранскиймен өтетін кездесудің алдында бапкерін ауыстырады

Жартылай ауыр салмақтағы әлемнің бұрынғы чемпионы, ресейлік Сергей Ковалев (30-2-1, 26 KO) өзінің келесі кездесуінің алдында бапкерін ауыстырады.

Ресейлік боксшы өзінің келесі кездесуін 26 қараша күні Нью-Йорктегі Madison Square Garden спорт кешенінде өткізеді. Оның қарсыласы украиналық Вячеслав Шабранский (19-1, 16 KO) болады. Бұл кездесудің алдында ресейлік боксшы бапкерін ауыстырады.

Айта кетейік, Ковалев АҚШ-қа алғаш келген кезде Геннадий Головкиннің бапкері Абель Санчеспен жұмыс істеген еді. Бірақ кейіннен боксшы мен маман арасында кикілжің пайда болып, бірге жұмыс істеуді доғарған.

Кейін Ковалевтің бапкері америкалық Джон Дэвид Джексонмен бірге жұмыс істеді. Бұл маманның бастауымен Ковалев өзінің соңғы жеті кездесуін өткізді. Оның ішінде Андре Уордпен өткен соңғы кездесу де бар. Бірақ сол Уордқа қарсы өткен соңғы кездесуден кейін ресейлік боксшы бұл маманмен де жұмыс істеуден бас тартыпты.

«Мен қазір Шабранскиймен өтетін кездесуге дайындалып жатырмын. Иә, Джексонмен бірге жұмыс істеуді тоқтаттым. Қазір Калифорниядағы Big Bear жаттығу залындамын. Тек физикалық дайындығымды қалыпқа келтіретін бапкермен жұмыс істеп жатырмын. Мен негізі бапкер тауып қойдым. Оның есімін жекпе-жекке тура бес апта қалғанда айтамын», — дейді бұл туралы Ковалев BoxingScene басылымына берген сұхбатында.

Әлеуметтік желілерде бөлісу