Қанат Исламның қарсыласы жекпе-жек алдындағы жаттығуын төлеу үшін футболка сатып жүр

Канадалық боксшы Бэндон Кук 9 қыркүйекте Астанада Қанат Исламмен болатын жекпе-жекке дайындық аясында ақылы жаттығуларын төлеу үшін футболка сатып жүр, - деп хабарлайды Vesti.kz.

"Менің 9 қыркүйектегі жекпе-жегіме төрт түрлі футболка тігіледі. Оны сатыудан түскен қаржы жекпе-жек алдындағы дайындық ақысын өтеуге жұмсалады. Қолдауларыңыз үшін рахмет. Ерлер футболкасының құны 25 АҚШ доллары болады, ал әйелдердікі 20 доллар", - дейді Кук.

Мұның алдында Кук бокспен айналысу үшін он жыл бойы есік пен терезе орнатып келгенін айтқан. Қазір боксшы ол жұмыстан шығып кеткен және өз еркінші дайындала алады.

Еске салайық, Қанат Ислам және Брэндон Кук арасындағы жекпе-жек 9 қыркүйекте Астанада өтеді. Канадалық боксшы соңғы рет биыл қаңтарда отандасы Стиваен Батлермен жұдырықтасқан. Осы жекпе-жек соңында тәртіпсіздік басталып кетті де, Куктың басына мұз салынған шелек тиген болатын.

Сарапшы маман Джек МакКаферри Куктың Қанат Ислам үшін өте қауіпті екенін айтқанын атап өтейік.

Әлеуметтік желілерде бөлісу