Мейірім Нұрсұлтанов қарсыласын қалай нокаутқа түсіргенін айтып берді

Қазақстандық кәсіпқой боксшы Мейірім Нұрсұлтанов (3-0-0, 2 КО) Vesti.kz порталының тілшісіне өзінің соңғы кездесуі туралы ойымен бөлісті.

- Сырттан қарағанда менің кездесуім оңай болған сияқты көрінеді. Бірақ бокста оңай кездесу болмайды, - дейді боксшы.

- Жекпе-жекке қандай жоспармен шыққан едіңіз?

- Әрине, жеңіске жету керекпін деп шықтым. Дегенмен қарсыласымды осылай тез нокаутқа түсіру ойда болмады.

- Қарсыласыңыз есеңгіреп қалғанда қандай ойда болдыңыз?

- Бірден тағы да соққы жасап, соңына дейін құлатуды ойладым. Шабуылымды аяқтау ойда тұрды.

- Нокаутыңыз әдемі болды. Жекпе-жектен кейін бапкерлеріңіз не деді?

- Ерекше ештеме айтпады. Барлығы құттықтады.

- Енді алдағы жоспарыңыз туралы айтып берсеңіз ...

- Қазір жоспарым туралы ештеме айта алмаймын. Келер аптада келесі кездесуі және басқа да дүниелердің шет жағасы белгілі болып қалады.

Еске салайық, орта салмақта өнер көрсететін Мейірім Нұрсұлтанов бүгін АҚШ-тың Лос-Анджелес қаласында кәсіпқой бокстағы өзінің үшінші кездесуін өткізіп, америкалық Лэнни Дардардың бірінші раундта нокаутқа түсірді.

Әлеуметтік желілерде бөлісу