Ковалев келесі кездесуін қарашада өткізеді

Ресейлік Сергей Ковалевтің промоутері Кэти Дува боксшының келесі қарсыласы кім болатыны әзірге белгісіз екенін айтты. Бұл туралы boxingscene.com порталы хабарлайды.

Өткен сенбі күні жартылай ауыр салмақта WBA, WBO және IBF белбеулері үшін өткен жекпе-жекте америкалық Андре Уордтан жеңіліп қалған Ковалев өзінің келесі кездесуін қараша өткізеді екен.

"Ол қараша айында шаршы алаңға оралады. Біздің әу бастағы жоспарымыз осындай болатын. Андре Уордтан жеңілгені маңызды емес. Оның HBO арнасымен келісімшарты бар", - дейді Дува.

Бұған дейін Андре Уорд ресейлік боксшы жартылай ауыр салмақтағы WBC және The Ring белбеулерінің иегері Адонис Стивенсоннан бұл белбеулерді жеңіп алмаса, Ковалевпен үшінші кездесу өткізбейтіні туралы айтқан еді.

"Бұл туралы ештеме айта алмаймын. Ивон Мишель (Стивенсонның промоутері - ред) Уордпен болатын жекпе-жектің алдында "Біз барлығымыз Сергейдің тілеуін тілейміз", - деген болатын. Мүмкін, олар Ковалевпен жекпе-жек өткізгісі келетін шығар", - дейді Дува.

Айта кетейік, Дува мен Мишель Ковалев - Стивенсон жекпе-жегін 2014 жылдың басында ұйымдастырғысы келген. Бірақ ол кезде канадалық боксшы Showtime арнасымен келісімшарт жасады. Ал Ковалевте НВО арнасымен арнайы шартнамасы бар.

Әлеуметтік желілерде бөлісу