Головкиннің командасы Альвареске жекпе-жектен түсетін ақшаны теңдей бөлуді ұсынды

©Vesti.kz

Қазақстандық Геннадий Головкин мен мексикалық Сауль "Канело" Альварес арасында өтеді делінген жекпе-жекке қатысты келіссөздердің мән-жайы белгілі болды, - деп хабарлайды Vesti.kz сайтының қазақ бөлімі.

Бұл іске жақын жүрген дереккөздің ақпараты бойынша, екіжақты келіссөздер алға басып, жекпе-жектің расымен қырқүйекте өтуі әбден мүмкідігі жоғарылады.

Қазіргі уақытта жекпе-жектің тек қаржылық тұсы ғана қиындық тудырып тұр. Альварестің промоутерлері қазақстандық боксшыға 15 миллион доллар ұсынғаны белгілі, ал Головкиннің командасы бұған келіспей отыр.

Тағы бір дереккөздің ақпараты бойынша, келіссөздердің қаржылық тұсы да шешілейін деп тұр-мыс. Головкиннің командасы мексикалық боксшыға жекпе-жектен түскен пайданы теңдей бөлісуді ұсынып отыр. Бұл туралы әлі алдағы уақытта келіссөздер жүреді екен.

Еске салайық, Головкин мен Джейкобс арасындағы жекпе-жек 18 наурызда Нью-Йорктегі Madison Square Garden аренасында өтеді. Қазақстанда жекпе-жек "Қазақстан" және KazSport арналарынан көрсетіледі. Ал Альварес мамыр айында жерлесі Хулио Сезар Чавеспен жұдырықтасады. Де Ла Хойя Головкин мен "Канело" 2017 жылдың қыркүйегінде шаршы алаңға шығады деп уәде берген болатын.

Мұның алдында Санчес алдағы жекпе-жектер немен аяқталарына болжам жасау қыин екенін айтқан. Бапкер "Канелоның" Чавеспен жұдырықтасуын түсінбейтінін, алайда, бұл жекпе-жектегі жеңімпаз "Мексика королі" болатынын айтқан.

Әлеуметтік желілерде бөлісу