Бұл жеңісімді әкеме арнаймын - Мадияр Әшкеев

Бірінші орта салмақта өнер көрсететін 28 жастағы былғары қолғап шебері Мадияр Әшкеев Vesti.kz порталының тілшісіне соңғы жекпе-жегі туралы айтып берді.

- Жекпе-жек мен жоспарлағандай өтті. Бірақ бірінші раундта қарсыласым басымен соққы жасап жіберді. Сол үшін де қабағым жарылды. Содан кейін мен бірден қарқынды күшейте бастадым. Себебі мен қабағымнан қан тоқтамаса жекпе-жекті тоқтатып тастауы мүмкін еді. Сөйтіп алға ұмтылып, қарсыласымды нокаутқа түсіргім келді.

Кейін біздің дәрігер қабағымнан кеткен қанды тоқтатты. Ал бапкерім болса жылдамырақ қимылдауымды айтты. Өйткені, қарсыласым баяу қимылдап жатыр еді. Мен жылдам қимылдап, көп соққы дарыта бастадым. Жетінші раундтың ортасында қарсыласым тағы бірнеше соққы өткізіп алғаннан кейін төреші кездесуді тоқтатты.

The fights have started at @MoheganSun! Meiirim Nursultanov wins the first bout by TKO in the 2nd! The @HBOLatino broadcast starts at 11 pm ET/PT #BarreraParker #RisingStars

Публикация от Main Events (@main_events) Апр 15 2017 в 5:24 PDT

- Мұндай жекпе-жек сізге кәсіпқой бокстың стильіне бұдан артық төселуге көмектесетін шығар ...

- Иә, тәжірибе мен үшін менің командам үшін өте қажет. Асхат Уалиханов пен Мейірім Нұрсұлтанов үнемі менің қасымда жүреді. Жекпе-жекті олар да көрдім. Біз үнемі бір-бірімізге көмектесіп, қателіктерімізді айтып тұрамыз. Жекпе-жек кезінде Мейірімнің маған рингте не істеу керек екендігімді айтып жатқанын естіп тұрдым.

- Бұған дейін шолақ шалбарыңызға (шорты) Madiyar деп жазып жүретін едіңіз. Бұл жолы Rysbek деген жазумен шықтыңыз. Мұның себебі неде?

- Бұл менің әкемнің аты еді. Ол жеті жыл бұрым өмірден озып кетті. Бірақ ол менің кәсіпқой боксшы болатынымды білмеген еді. Сондықтан да әкемнің атын жазып шықтым. Бұл жеңісімді әкеме арнаймын.

Еске салайық, 28 жастағы Мадияр Әшкеев (8-0-0, 4 КО) АҚШ-тың Коннектикут штатына қарасты Анкасвилл қаласында өтіп жатқан бокс кешінде америкалық Шон Кэмеронды жетінші раундта техникалық нокаутпен ұтты.

Әлеуметтік желілерде бөлісу