"Чемпионға қарсы!". "Канелоның" келесі қарсыласы анықталды
Орта салмақта WBA және WBC, екінші ортасалмақта WBA белбеулерінің иегері мексикалық Сауль "Канело" Альварес өзінің келесі кездесуін екінші орта салмақтағы IBF белбеуінің иегері америкалық Калеб Плантқа қарсы өткізеді, деп хабарлайды Vesti.kz порталы.
Бокс тілшісі Майк Коппинджердің ақпараты бойынша, "Канело" мен Плант 19 желтоқсан күні супер орта салмақта кездесу өткізуге ниетті. Бірақ екі боксшы келіссөзді "Канелоның" промоутерлік компаниясымен келісімшартын бұзғаннан кейін ғана бастайды. Кездесу АҚШ-тың Техас штатында өтуі мүмкін.
Инсайдер дәл қазір "Канелоға" көптеген промоутерлік компаниядан ұсыныс түсетінін де айтты. Сонымен қатар ол мексикалық боксшының Оскар Де Ла Хойя басқаратын Golden Boy компаниясымен енді жұмыс істемейтінін жазды.
SOURCES: Canelo Alvarez and Caleb Plant will begin negotiations toward a potential Dec. 19 super middleweight title fight on PPV once Canelo’s separation agreement is finalized. Both fighters want it, and if a deal is completed, it could happen in Texas where fans are welcome
— Mike Coppinger (@MikeCoppinger) November 6, 2020
Еске салайық, Альварес соңғы рет шаршы алаңға 2019 жылдың қараша айында шығып, ресейлік Сергей Ковалевтің нокаутпен жеңді.
Ал Плант болса соңғы айқасын 2020 жылдың ақпанында өткізіп, Винсент Файгенбутцты ұтты.
Загрузка матч-центра...
Жарнама