Усик пен Уайлдер арасындағы кездесу үшін кәсіпқой боксқа жаңа салмақ қосылуы мүмкін

Британдық кәсіпқой боксшы Тони Бельо кәсіпқой бокста тағы бір салмақ қосу деген идеяны қолдап отыр. Жаңа салмақ суперкрузервейт деп аталады. Боксшының өзі бұл сұрақты қарастыратын WBC комиссиясының қатарына қосылды,-деп хабарлайды vRinge.com.

Бельоның ойынша, жаңа салмақтағы чемпиондық белбеуді америкалық Деонтей Уайлдер (42-1-1, 41 КО) мен украиналық Александр Усик (17-0, 13 КО) арасындағы кездесуде сарапқа салуға болады екен.

"Ауыр салмақ пен аса ауыр салмақтың арасында (крузервейт) мықты боксшылар бар. Мысалы ретінде Усикті алуға болады. Ол негізі дене бітімі бойынша аса ауыр салмақтағы боксшылармен таласа алмайды. Тағы қайталап айтайын, ол тек дене бітімі бойынша басқаларға қарсылас бола алмайды. Ал шеберлік жағынан оған ешқандай күмән жоқ. Сондықтан да мен жаңа салмақ енгізу керек деген WBC идеясын қолдаймын. Бұл туралы мен президенттің ұйымы Маурисио Сулейманға айтқан болатынмын", - дейді Бельо.

Экс-боксшының айтуынша, ұйым крузервейттің салмағын ауыстыру керек. Ол бірінші ауыр салмақты 86,2 кило етіп, крузевейтті 90,7 кило қылуда айтып отыр. 

Бұл шешім жартылай ауыр салмақта өнер көрсететін боксшыларға көмектеседі. Себебі олар дене бітімінің кішкентай болуына байланысты жартылай ауыр салмаққа жете алмай жатады. Егер салмақты осылай ауыстырсақ, олар осы салмақтағы боксшылармен бірдей болады. Сосын тағы бір салмақ қосуды ұсынамын. Ол суперкрузервейт, яғни 99,8 килоға дейін. Бұл салмақта дене бітімі кіші деген ауыр салмақтағы боксшылар жұдырықтасады. Мен де бұл салмақта өнер көрсете алатын едім. Усик те. Тағы кім? Уайлдер тіпті Дэвид Хэй де осы салмақта өнер көрсете алады. Кейбіреулер суперхэвиаейт (супер ауыр салмақ) қосу керек деп жатыр. Бұл ақылға қонбайтын дүние. 

Крузервейт - керемет шешім болар еді. Егер билік менің қолымда болса, бұл салмақта мен бірінші болып Уайлдер мен Усик арасында чемпиондық кездесу ұйымдастыратын едім. Керемет кездесу болады. Бұл кездесудің арқасында аталған дивизионның абыройы бірден артар еді", - деді британдық боксшы.