Қазақ жанкүйерлерінің алдында өнер көрсету мен үшін үлкен қуаныш - Бейбіт Шүменов

Бірінші ауыр салмақта WBA тұжырымы бойынша әлем чемпионы Бейбіт Шүменов (17-2, 11 КО) Vesti.kz порталының тілшісіне Астанада ЕХРО кезінде өтетін бокс кешінде жұдырықтасуға дайын екенін айтып берді.

"Жуырда ғана жақын досым Қанат Исламмен сөйлестім. Ол Астанада жекпе-жек өткізетіні туралы айтып, оған мені де қатысуымды сұрады. Мен егер мүмкіндік болатын болса, өз халқымның алдында қуана жекпе-жек өткізетінімді айттым. Әрине, мен де бұл бокс кешіне қатысқым келеді

Әлемнің әр жерінде жекпе-жек өткізіп жүрген еліміздің боксшылары жиналып, Астанада өнер көрсетсек бұл жанкүйерлер үшін ұмытылмас естелік боларына сенемін. Тек қазақстандық жанкүйерлер үшін емес, әлемдегі кәсіпқой боксқа қызығатындар үшін бұл өте қызық. Себебі қазақ боксшыларының жұдырықтасу стилін шетелдіктер жақсы көреді, жоғары бағалайды. Қазақстандық жанкүйерлер алдында жекпе-жек өткізбегеніме 6 жылдай болыпты. Елдің қиқуын, қолдауын сағындым. Тауда жүгіріп, бұлақ суын ішіп, қазы-қартамен қуаттанатын күн де алыс емес сияқты. 9 қыркүйекте әлем назары Астанада болады!", - дейді Шүменов.

Айта кетейік, ҚР Мәдениет және спорт министрі Арыстанбек Мұхамедиұлы Vesti.kz басылымына берген сұхбатында 9 қыркүйек күні Астанада Қанат Исламның қатысуымен бокс кешетінін өтетінін растаған еді.

Бұл боксшылардан бөлек, бокс кешінде Жанқош Тұраров пен Жанат Жақиянов та қатысуы ықтимал.

Әлеуметтік желілерде бөлісу