IBO президенті Эд Левайн кәсіпқой бокшы Батыр Жүкембаевқа жоғары баға беріп, үлкен мүмкіндігі барын айтты. Оның айтуынша, қазақстандық боксшы атын әлем білетін қарсыластармен жұдырықтасуға дайын екен.
"Батыр Жүкембаев - болашағы бар боксшы, ол епті әрі жан-жақты әдіс қолданады. Ол тепе-теңдікті жақсы сақтайды, жылдам, соққылары ауыр. Ол әлемдік таланттармен тайталасуға дайын сияқты. Батыр отандасы Геннадий Головкин атын шығарған қазақтың жекпе-жектегі тектілігін жалғастырып келеді", - деп келтіреді Левайн сөзін IBO-ның ресми сайты.
Еске салайық, ақпанда өткен соңғы жекпе-жегінде 25 жастағы Жүкембаев қарсыласын алғашқы раундты-ақ нокаутқа түсірген болатын.
Бұл жеңістен кейін Жүкембаев бірінші жартылай салмақтағы ТОП-100 боксшылар қатарына кірді.
Жарнама