Қазақстан құрамасы Ұлттар лигасында Албания құрамасымен тең ойнады

Сурет: ҚФФ

Футболдан Қазақстан құрамасы Ұлттар лигасы турнирінінің үшінші турында өз алаңында Албания құрамасын қабылдап, тең түсті, деп хабарлайды Vesti.kz порталы.

Алматының Орталық стадионында өткен ойында екі команда да гол соға алмай, 0:0 есебімен тең аяқталды.

Кездесудің бірінші таймында ойын тең дәрежеде өтті. Алғашқы таймда екі құраманың сапында екі-екі ойыншы сары қағаздан алды. Солардың бірі біздің капитан - Гафуржан Сүйімбаев болатын. Бұл қорғаушының турнирдегі екінші сары қағазы. Сол үшін ол келесі кездесуге қатыса алмайды.

Қазақстан құрамасы кездесудің бірінші кезеңінде 6 рет қарсылас қақпасына соққы жасағанына қарамастан, гол соға алмады.

Екінші таймда құраманың бас бапкері Михал Билек қорғаушы Александр Марочкинді ойыннан алып, Абзал Бейсебековті алаңға шығарды. Шамасы, "Қайсар" қорғаушысы кездесу барысында жарақат алып қалған сияқты.

Албания құрамасы екінші таймда өте жақсы өткізді. Ойын аяқтал тұста қонақтардың шабуылшысы Армандо Броя Стас Покатиловтың төбесінен допты асырып жіберіп еді. Бірақ бос қақпаға кіріп бара жатқан допты қорғаушымыз Темірлан Ерланов бос қақпадан алып шықты.

Ал матчтың аяталар тұсында Бактиер Зайнутдиновтің орнына шабуылшы Айбар Жақсылықов шықты. Бұл "Жетісу" ойыншысы үшін ұлттық құрама сапындағы бірінші кездесуі болды.

Айта кетейік, бұл ойыннан кейін Қазақстан құрамасы да, Албания да төрт ұпайдан жинап, тиісінше бірінші жәнне екінші орында келеді. Шамалы кешірек біздің топта Литва мен Беларусь құрамасы өзара кездесу өткізеді.

Қазақстан құрамасы болса келесі кездесуін Беларусь құрамасына қарсы ойнайды. Ол ойын 13 қазан күні сырт алаңда өтеді.

Әлеуметтік желілерде бөлісу