Қазақстан ФИФА-дан 1,5 миллион доллар алады

Сурет: ФИФА

Қазақстан футбол федерациясы FIFA-дан қаржылық көмек алады.

Ол коронавирустық пандемиядан туындаған шығындарды өтеу үшін жұмсалатын болады. Жалпы 1,5 миллион доллар бөлінеді. Барлық 211 ұлттық федерация FIFA-дан көмек алады. Олардың әрқайсысына, оның ішінде Қазақстанға грант түрінде миллион доллар, ал әйелдер футболына 500 мың доллар беріледі.

Гранттан бөлек федерациялар 5 миллион доллар пайызсыз несие ала алады. Жалпы, FIFA бұл жобаға 1,5 миллиард доллар жұмсайды. Қаражат елдерге 2021 жылдың қаңтарына дейін жетеді.

Федерациялар ақшаны жарыстарды қайта бастауға, ойынға қайта шақыру хаттамаларын жүзеге асыруға, бәсекеге түсетін ұлттық командаларға, қызметкерлерді жалдауға, футбол инфрақұрылымын нығайтуға, жалпы әкімшілік және операциялық шығындарға жұмсауға болады.

Естеріңізге сала кетейік, футболдан Қазақстан чемпионаты екі рет - наурызда және шілдеде - коронавирустық пандемияға байланысты тоқтатылды. ҚПЛ-ді қайта бастауға болатын күн - 3 тамыз. Алайда, кеше, 29 шілдеде, карантин шаралары екі аптаға ұзартылатыны айтылды. Бұл туралы Қазақстанның кәсіби футбол лигасы мәлімдеме жасады.

Әлеуметтік желілерде бөлісу