"Астананың" бес футболшысы Ұлттық құрамаға шақырту алды

©fca.kz

Елордалық "Астана" клубының бес футболшысы Қазақстан құрамасына шақырту алды.

Қазақстан құрамасы 19 наурыз күні Талғардағы ұлттық құрама командалар базасында жиналып, одан кейін Кипр командасына қарсы жолдастық кездесу өткізу үшін Никосия қаласына аттанады.Одан кейін Ұлттық құрама 2018 жылғы Әлем чемпионатының іріктеу кезеңі аясында Армения құрамасына қарсы ойнайды.

Ұлттық құраманың бас бапкері Александр Бородюк еліміздің басты командасына "Астана" сапынан 5 ойыншыны шақырды. Олар: қорғаушылар Абзал Бейсебеков, Дмитрий Шомко және Юрий Логвиненко, жартылай қорғаушы Серікжан Мужиков, шабуылшы Роман Мұртазаев.

Бұл футболшылардан бөлек, "Ертістің" екі футболшысы - Давид Лория мен Александр Кислицын және "Қайраттың" жартылай қорғаушысы Георгий Жуков шақырты алды.

Еске салайық, Кипрге қарсы жолдастық кездесу 22 наурыз күні, ал Армения командасына қарсы ойын 26 наурызға жоспарланған.

Әлеуметтік желілерде бөлісу