Футболдан биылғы әлем біріншілігінің есте сақталған сәті

Португалия құрамасының шабуылшысы Криштиану Роналдудың Испанияға қарсы ойында соққан үш голы 2018 жылы Ресейде өткен әлем біріншілігінің есте қалаларлық сәті болып танылды. Бұл туралы ФИФА ұйымы Twitter желісінде жариялады.

Атақты сұрмергеннің голдары бүкіл жанкүйерлердің дауыс беру нәтижесі бойынша 50 пайызды иемденді. Екінші орында (24 пайыз) Германия құрамасының жартылай қорғаушысы Тони Кростың шведтерге қарсы ойында негізгі уақытқа қосылған бесінші минутта соққан голы (2:1) болды.

Үшінші орынға он тоғыз пайыз жинаған Уругвай құрамасының шабуылшысы Эдисон Кавани жайғасты. Ол 1/8 финалда Португалияға қарсы ойында екі гол (2:1) салып, Фернанду Сантуштың командасын жарыстан шығарды.

Төртінші орында тоғыз пайызды иеленген Перу шабуылшысы Хосе Паоло Герреро болды. Ол Австарлия құрамасына қарсы ойында шешуші голды салды. Бұл олардың мундиальдағы жалғыз жеңісі болды.

2018 жылы өткен әлем біріншілігінде Франция құрамасы жеңімпаз атанды. Финалдық кездесуде олар хорваттармен кездесіп, 4:2 есебімен тізе бүкітрді.

Әлеуметтік желілерде бөлісу