"Барыс" хоккейшілері қытайлық "Куньлунь" командасын жеңді

"Барыс" хоккейшілері өз алаңында ҚХЛ чемпионаты аясында қытайлық "Куньлунь Ред Стар" командасын жеңді, - деп хабарлайды Vesti.kz.

Ойын 14 ақпанда кешкі уақытта Астанада өтті. Есеп - 3:1. Оның хаттамасымен мына жерде танысуға болады.

Кездесудің 15-ші минутында "Барыс" сапындағы сұрмерген Павел Акользин есеп ашты. Бұл шайба құрлықтықтық хоккей лигасында бір маусымда салынған "голдар" есебі бойынша астаналық командаға рекорд алып келді.

Екінші айналымның басында "Барыс" капитаны Брэндон Боченски қарсыластар қақпасынан саңылау тапқан еді, алайда 22-ші минутта салынған шайбаны видеоқарау арқылы төреші есепке алмады. 30-шы минутта қазақстандық команданың сұрмергені Роман Старченко есепті еселеді.

Үшінші айналымда қос команда бір-бір шайбадан салды. 50-ші минутта Акользин екінші шайбасын салды. Осы кезде астаналық командандасы бір ойыншыға кем ойнады, осы сәтті жақсы пайдаланған қытайлық команда 54 секундтан соң "Куньлуня сапындағы канадалық Джастин Фонтэйн есепті бір ұпайға қысқартты.

57 ойын өткізіп, 83 ұпаймен Чернышев дивизионында көш бастады және Шығыс конференциясында екінші орынға тұрақтады. 60 ойын өткізген "Авангард" 79 ұпаймен дивизионда екінші және конференцияда үшінші орында тұр.

Келесі ойында "Барыс" 16 ақпанда өз алаңында "Авангардты" қабылдайды. Бұл ойын Астана уақытымен 17:00-де басталады. Бұл астаналық клубтың осы маусымда соңғы рет өз алаңда өнер көрсетуі. Дивизионда біріншілікті сақтау үшін "Барыс" негізгі уақытта тек жеңілмеуі керек.

Әлеуметтік желілерде бөлісу