Гагарин кубогінің жеңімпазы "Барыс" сапына қосылмайтын болды

Иржи Секач. Сурет: ЦСКА

Мәскеулік ЦСКА клубының чехиялық шабуылшысы Иржи Секач "Барыс" сапына қосылмайтын болды. Бұл туралы "БИЗНЕС Online" хабарлап отыр.

30 маусым күні "Р-Спорт" агентті Секач қазақстандық "Барыс" немесе минскілік "Динамо" клубына ауысы мүмкін екенін хабарлады. Бірақ бүгін бұл ақпарат жоққа шығып отыр.

""Барыс" Ұлттық хоккей лигасында "Коламбус" сапында өнер көрсеткен Якоб Лильямен 25 миллион рубльдік келісімшарт жасады. Ал "Ак Барстан" қайта оралған Мэтт Фрэттинмен 30 миллион рубльге келісімшартқа отырды. Сондықтан Секачқа 60 миллион рубль айлық жоқ ол командада. Иә, 75 миллион рубль алатын Даррен Диц бар. Бірақ бұл келісімшарт "Барыстың" бюджеті тұрақты кезде жазылды", - деп жазады басылым.

Секач ЦСКА сапынан кетеді. Оның 2020/21 жылға дейін жазылған келісімшарты бойынша жалақысы 60 миллион рубль. Бірақ мәскеулік клуб бұл жалақыны төлеуге дайын емес. Шабуылшыға жалақысын шамалы төмендету туралы клуб ұсыныс жасаған. Алайда, 45 миллион рубльдік жаңа келісімшартқа Секач көнбеген.

Бұл хоккейшіні "Авангард" клубы өз қатарына қосқысы келеді. Себебі, бұған дейін омбылық клуб сапынан швейцариялық шабуылшы Свен Андригетто кетті. Ол келісімшарты бойынша жылына 90 миллион рубль жалақы алып отырған.

Секачтың өзі өткен маусымның ортасында "Ак Барс" сапына қайта оралғысы келген. Бұл клубпен ол 2018 жылы Гагарин кубогін жеңіп алған еді. Бірақ ол кезде қазандық клуб сапында алты легионер болды. Сондықтан да ол бұл командаға қосыла алмады.

Әлеуметтік желілерде бөлісу