"Қайрат" жанкүйелері Елдос Ахметовтың әрекетіне наразылығын білдіріп жатыр

"Қайрат" жанкүйерлері Vesti.kz порталының тілшісіне алматылық клубтың қорғаушысы Елдос Ахметов пен жанкүйерлердің бірі "Ертіске" қарсы ойыннан кейін сөзге келіп, жанжалдасып қалғанын айтып берді. 

Матч соңынан кейін "Қайрат" футболшылары жанкүйерлерге алғыс айту үшін стадионды айналып өтті. Сол кезде Ахметов клуб жанкүйерлерінің бірімен жанжалдасып қалды. Төбелестің алдын "Қайраттың" өзге футболшылары алыпты. 

"Елдостың бұл қылығы дұрыс емес. Саған не айтса да, жанкүйерді жекпе-жекке шақыру орынды болмады. Мен болған жәйтті толық көрдім деп айта алмаймын. Бірақ ойыннан кейін жанкүйерлердің бірі оған эмоциямен бір сөз айтып қалды. Ол жанкүйер "Қайраттың" ресми жанкүйерлер тобына кірмейді. Ахметов тоқтай алмай, жанкүйерге қарай бет алды. Кішігірім қақтығыс болды десе де болады. Елдос оған жекпе-жекке шығуды ұсынды. Жанкүйер сабырлы екен. Жекпе-жектен бас тартты. Бұл кезде біз командамен сөйлесіп жатыр едік. Сондықтан болған жәйтті егжей-тегжейлі айтып бере алмаймын", - дейді осы жағдайды көрген куәгерлердің бірі, "Алатау-Фанс" жанкүйерлер тобының мүшесі Ислам Азанбаекиев. 

Бұл жағдай 11 сектордық қасында болған. Осы жерде болған "Қайраттың" FanRegion05 жанкүйерлер тобының мүшесі Әлім Дінасылов болған жағдайды толық көргенін айтады. 

"Матчтан соң біздің сектордың жанында бір ер азамат футболшыларды күтіп тұрды. Ол Марковичті, Арзоны, Сүйімбаевты және Плотниковты мақтап тұрған. Солардан кейін Ахметов келді. Сол кезде ол ер азамат Ахметовке қарай "өт сөндіруші", - деп айқайлады. Ал Елодос болса жауап ретінде бірнеше сөз айтты. Жанкүйер болса: "Сен тек сөзбен ғана бірнәрсе істей аласың", - деді. Ахметов осы кезде ашуланып, қоршаудан асып, жанкүйерге қарай жүгіре бастады. Бірақ оны Плотников мен Сүйімбаев ұстап қалды. Әрине, жанкүйерлер әр кез қолдап жүрген футболшылардан мұндай әрекетті көрген жаман", - дейді Дінасылов.