"Өз тарапымнан бәрін жасадым". "Барыс" сапындағы канадалық үздік бомбардир Қазақстан үшін ойнау туралы

"Барыстың" канадалық қорғаушысы Даррен Диц РИА Новости порталына берген сұхбатында Астанада өтетін әлем чемпионатында Қазақстан құрамасы үшін шығу туралы айтып берді.

ҚХЛ-дің биылғы маусымында Диц 52 матчте 47 (14+33) ұпай жинады. Ол - клубтың үздік бомбардирі және үздік бомбардирлер, мергендер мен ассистенттер тізімінде бірінші.

25 жастағы Дицтің Қазақстан құрамасы үшін ойнауға ынтасы туралы "Барыс" президенті Борис Иванищев тамызда айтқан болатын.

"Мәселе қаралып жатыр, әлем чемпионатында Қазақстан құрамасы үшін ойнауды жоспарлап отырмын, Бірақ, әзірге ештеңе айта алмаймын. Өз тарапымнан бәрін жасадым, барлық құжатты толтырдым, енді шешім күтіп отырмын, федерация жауабын", - дейді Диц.

Мұның алдында ресейлік БАҚ Дицтің маусым аяқталғанда "Барыстан" кетуі мүмкін екенін айтқан. Оның астаналық клубпен келісімшарты 2020 жылдың 30 сәуіріне дейін.

А тобы бірінші дививзионындағы хоккейден әлем чемпионаты Астанада 29 сәуір мен 5 мамыр аралығы өтеді. Қазақстан құрамасы ойындарының кестесімен мына жерде таныса аласыз.

Әлеуметтік желілерде бөлісу