"Барыс" мәскеулік "Динамомен" ойында жігерлік танытып, жеңіске жетті

Мэтт Фрэттин. ҚХЛ баспасөз қызметінен

"Барыс" хоккейшілері ҚХЛ тұрақты чемпионаты кезінде мәскеулік "Динамоны" ұтты, - деп хабарлайды Vesti.kz.

Ресей астанасында өткен кездесудің негізгі уақыты 2:2 есебімен аяқталды, ал овертаймда қонақтар барын салды. Ойын протоколымен мына жерде танысуға болады.

Ойынның бірінші кезеңі есепсіз аяқталды. Ал 23-ші минутта "Барыстың" канадалық шабуылшысы Мэтт Фрэттиннің шайбасына, 36-шы минутта "Динамо" қорғаушысы Илья Никулин бір шайбамен қарымта қайтарды.

Ойынның үшінші кезеңінде қарсыластар тағы бір-бір шайбадан салды. 47-ші минутта "Динамоның" финляндиялық қорғаушысы Юусо Хиетанен, ал 53-ші минутта "Барыстан" Кевин Даллмэн қармта қайтарды. Бұл шайба видеқайталаудан кейін есептелді.

Овертаймда Фрэттин "Барысты" жеңіске жеткізді. Ол 54-ші минутта дубль орындады. Бұл жолы да шайба видеоқайталаудан кейін ғана есептелді.

"Барыс" үшін бұл тоғыз матчтегі төртінші жеңіс, ал "Динамо" жетінші рет жеңілді. Осылайша, 11 ұпаймен астаналық клуб Шығыс конференциясында алтыншы келеді, "Динамо" батысында тоғызыншы болып тұр.

"Барыс" келесі ойынды 26 қыркүйекте Астана уақытымен 22:30-да "Витязға" қарсы өткізеді. Астаналық клубтың қарсыласы Батыс конференциясында сегізінші орында.

Әлеуметтік желілерде бөлісу