Талғат Жайлауов елордалық "Барыс" клубы сапынан кетуі ықтимал

Сурет "Барыс" клубының ресми сайтынан алынды.

Шабуылшы Талғат Жайлауов Будапештте өтетін хоккейден әлем біріншілігінде Қазақстан құрамасы сапында өнер көрсетпейтін болды, деп хабарлайды Шайба.kz порталы.

Сондай-ақ ол елордалық "Барыс" клубының сапынан кетуі мүмкін.

Өткен Құрлықтық хоккей лигасының маусымында 32 жастағы шабуылшы 43 ойынға қатысып, 14 (9+5) ұпай жинады. Жайлауов астаналық клуб сапында 2007 жылдан бері өнер көрсетіп келеді.

Еске салайық, Қазақстан құрамасы алдағы әлем чемпионатына Астана қаласында дайындық өткізіп жатыр. Қазіргі уақытта бұл біріншілікке Найджел Доус, Дастин Бойд және Роман Савченконың қатыспайтыны белгілі. Құраманың жаңа капитаны болып Максим Семенов тағайындалды.

"А" дивизионындағы әлем чемпионаты 22 жән 28 сәуір аралығында Будапешт қаласында өтеді. Элиталы топтың жолдамасына Қазақстан, Словения, Италия, Польша, Венгрия және Ұлыбритания құрамалары таласады.

Әлеуметтік желілерде бөлісу