Желіде "Ақтөбе" мен "Ақжайық" жанкүйерлері жаппай төбелескен видео жарияланды

Желіде "Ақтөбе" мен "Ақжайық" футбол клубтары жанкүйерлері жаппай төбелескен сәтте түсірілген видео пайда болды. Оқиға Қазақстан Кубогының Орал қаласында өткен ширек финалы кезінде болған, - деп хабарлайды Vesti.kz.

Видео авторы қауіпсіз қашықтықта тұрып түсірілім жасағандықтан, қанша аданың төбелесіп жатқанын нақты анықтау мүмкін емес.

Назар аударыңыз, бейәдеп сөздер бар!

Еске салайық, "Орал Апталығы" газеті "Ақтөбе" мен "Ақжайық" футбол клубтарының жанкүйерлері жаппай төбелескені туралы жазған болатын. Басылымның жазуы бойынша, "Ақтөбе" клубының бір топ жанкүйері Орал қаласындағы стадионға қатты айқайлап, шу көтерәп келе жатқан. Осы кезде оларға "Ақжайық" жанкүйерлері кезігіп қалып, екі арада төбелес шыққан. Төбелеске нақты қанша адам қатысқаны хабарланбады.

Айта кетейік, "Ақтөбе" мен "Ақжайық" арасындағы кездесудің жеңімпазы ойыннан кейінгі пенальти арқылы анықталды. 11 метрден доп бағыттаудан "Ақтөбе" ойыншылары оралдықтардан асып түсті, есеп - 5:4.

Әлеуметтік желілерде бөлісу