Англиялық "Ливерпуль" клубы көшбасшысы ойыншысы, мысырлық шабуылшы Мохамед Салахты жазғы трансферлік кезеңде сатуды қарастырмақ, деп хабарлайды Vesti.kz.
MatchDay Central деректеріне сәйкес, мерсисайдтық клуб келіссөздерді бастау үшін ең төменгі бағаны белгілеп қойған - 55 миллион фунт стерлингтен (62,9 миллион еуро) жоғары.
Мәліметтерге қарағанда, мысырлық шабуылшы мансабындағы жаңа кезеңге қадам басуға ашық. Оған Сауд Арабиясының кәсіби лигасы клубтарының қызығушылығы күшейіп келеді. Таяу Шығыс футбол нарығының өкілдері Салахты чемпионаттың деңгейін арттырып, халықаралық беделін нығайтуға бағытталған негізгі трансферлік мақсаттардың бірі деп қарастыруда.
Жазғы трансферлік кезең жақындаған сайын футболшының трансфері бойынша келіссөздер белсенді фазаға өтуі мүмкін екені айтылуда.
Мохамед Салах "Ливерпуль" сапында 2017 жылдан бері өнер көрсетіп келеді. Биылғы маусымда ол барлық турнирлерде 27 матчқа қатысып, жеті гол соғып, сегіз нәтижелі пас берген. Мысырлық форвардтың клубпен жасасқан келісімшарты 2027 жылдың жазына дейін есептелген.
Жарнама