Норвегиялық "Будё-Глимт" Чемпиондар лигасы плей-офф кезеңіндегі алғашқы шешуші матчта миландық "Интер" клубын ұтып, сенсация жасады, деп хабарлайды Vesti.kz.
Кездесу Норвегияда өтіп, алаң иелерінің 3:1 есебіндегі жеңісімен аяқталды.
21-минутта Сондре Брунстад есеп ашты. Алайда тоғыз минуттан кейін Франческо Эспозито таразы басын теңестіріп, интриганы қайтарды.
Екінші таймда ойын тағдыры шешілді. 61-минутта Йенс Петтер Хёуге "Будё-Глимтті" қайта алға шығарса, үш минуттан соң Каспер Хёг үшінші голды соғып, "Интерді" қиын жағдайға қалдырды.
Қарымта кездесу 24 ақпанда Миландағы әйгілі "Сан-Сиро" стадионында (Джузеппе Меацца) өтеді.
Жалпы кезең қорытындысы бойынша турнир дебютанты атанған "Будё-Глимт" тоғыз ұпай жинап, 23-орынға тұрақтады. Ал "Интер" 15 ұпаймен 10-сатыда.
Жарнама