Леверкузендік "Байер" Чемпиондар лигасы плей-офф кезеңіндегі алғашқы шешуші матчта грекиялық "Олимпиакосты" ұтты, деп хабарлайды Vesti.kz.
Бірінші тайм тартысты өтті. 45-минутта алаң иелерінің шабуылшысы Айюб Эль-Кааби есеп ашқандай болған, алайда VAR тексерісінен кейін гол есептелмеді. Бұл эпизод кездесудің шешуші сәтіне айналды.
Үзілістен кейін бастаманы "Байер" өз қолына алды. 60-минутта Патрик Шик есеп ашса, үш минуттан соң дубль авторы атанып, қарсыласты қарымта матч алдында қиын жағдайға қалдырып отыр.
Қарымта ойын 24 ақпанда Леверкузенде өтеді.
Жалпы кезең қорытындысы бойынша "Байер" 12 ұпаймен 16-орынға тұрақтаса, "Олимпиакос" 11 балл жинап, 18-сатыда тұр.
Жарнама