"Барселона" Неймарды қайтарып алудың жолын тапты

Каталондық "Барселона" қазіргі таңда франциялық "Пари Сен-Жермен" сапында жүрген Неймарды қайтарғысы келеді. Бұл туралы RAC1 радиосының журналисті Жерар Ромеро мәлімдеді.

Оның ақпараты бойынша, "Барса" бразилиялықтың трансфері бойынша париждіктермен келіссөз бастаған. Бұл келісімге каталондықтардың жартылай шабуылшысы Усман Дембеле де қатысты болуы мүмкін. Келесім іске асса Дембеле ПСЖ сапына қосылады.

Келіссөздер енді ғана басталған, сондықтан париждік клуб бұл келісімшартқа қарсылығын білдіруі мүмкін екені де айтылды.

Неймар "Барселона" үшін 2013 және 2017 жылдар аралығы ойнады, осыдан кейін бразилиялық ПСЖ сапына рекордты 222 миллион еуроға өткен. Биылғы маусымда футболшы Франция чемпионатының 17 матчіне қатысып, 15 гол соқты және жеті нәтижелі пас берді.

Ал 22 жастағы Дембеле "Барселоноға" 2017 жылы жазда дортмундтық "Боруссиядан" 125 миллион еуроға өткен. Биылғы маусымда ол Примереде 29 матчке қатысып, сегіз гол салды және бес ассист жасады.

Әлеуметтік желілерде бөлісу