"Ғажайып голкипер". Англия құрамасының бапкері футзалдық "Қайрат" капитанына тамсанды

Сурет: KazFootball.kz

ФИФА сарапшысы және футзалдан Англия құрамасында қақпашылардың бапкері Энди Рединг "Қайрат" капиатны Игитаны әлемдегі ең мықты голкипер деп есептейді.

"Техника мен интелект жағынан ең мықты кім дейсіз бе? Лео Игита екені сөзсіз. Неткен ғажайып қақпашы! Меніңше онда қажеттінің бәрі бар. Техникалық жағынан: оның икемділігі үлгі бола алады, қозғалыста да, статикада да, ол бөгеудің екі стилін де орындайды (испаниялық және бразилиялық).

Оның үстіне, епті әрі жылдам болғанымен әрдайым позицияны да дұрыс ұстайды. Ойын барысын жақсы түсіне алсаңыз амал етуге уақытыңыз көбейе түседі. Ол техникасының әрқайсысын қай уақытта пайдалану керегін біледі. Қолы және аяғымен көрсеткен ойыны тамсандырады. Ол ешқашан қателеспейді. Бұл керемет, мен көргендердің ең мықтысы", - дейді Рединг Fifa.com порталына берген сұхбатында.

Еске салайық, Игита былтыр Futsal Planet Awards тұжырымынша әлемдегі ең мықты қақпашы атанды. Сонымен қоса, ол бұл сыйды иелену бойынша рекордсмен - төрт рет жеңіп алған (мұның алдында 2015, 2016 және 2018).

Әлеуметтік желілерде бөлісу