Әлемнің ең мықты бапкері болған Гвардиолла коронавирус кесірінен анасынан айырылды

Сурет: Eurosport

"Манчестер Сити" бас бапкері Хосеп Гвардиоланың анасы Долорс Сала Барселона маңындағы қалашықта коронавирус инфекциясынан көз жұмды, - деп хабарланған ағылшын клубының ресми твиттер желісінде.

"Манчестер Сити" отбасы Пептің анасы Долорс Сала Каррионың Манреста (Барселона) коронавирус жұқтырған соң қайтыс болғанын қайғыра хабарлайды. Ол 82 жаста болатын. Клубпен байланысы бар әр адам осындай қайғылы сәтте Пепке, оның отбасы мен достарына көңіл айтады", - делінген жазбада.

The Manchester City family are devastated to report the death today of Pep’s mother Dolors Sala Carrió in Manresa, Barcelona after contracting Corona Virus. She was 82-years-old .
— Manchester City (@ManCity) April 6, 2020

"Манчестер Сити" - Премьер-лигада ойнайтын ағылшын футбол клубы. Англия чемпионатының былтырғы чемпионы. 2009 және 2011 жылдары әлемдегі ең мықты клубтық бапкер атанған.

Джонс Хопкинс университетінің мәліметі бойынша, Испания COVID-19 жұқтырғандар саны бойынша екінші орында келеді. Елде 135 мыңнан аса адам вирус жұқтырған. 13 169 адам инфекциядан қайтыс болған. Қазіргі уақытта вирустан емделгендер саны 40,4 мың адамға жеткен.

Әлеуметтік желілерде бөлісу