Қуат Хамитов Куиллимен екінші рет кездесуге дайын екенін айтты

Сурет: newsvl.ru

Қазақстандық ережесіз жекпе-жек шебері Қуат "Найман" Хамитов Vesti.kz порталының тілшісіне ирландиялық Питер Куиллиге қарсы кездесу туралы өз ойымен бөлісті.

"Жекпе-жек қиын болды. Маған бес раунд төбелесу оңай болған жоқ. Мені қолдауға келген барлық жанкүйерлерге алғысымды айтқым келеді. Барлығы Fight Nights Global - әлемдегі ең үздік ұйым екенін біледі. Мұндай бәсі жоғары кездесуде өз елімде өткізгеніме қуаныштымын.

Кездесу тең дәрежеді өтіп, жеңіс маған оңай бұйырмады. Жекпе-жекке дейін мен Куиллидің соңына дейін жұдырықтастанын білдім. Ол мықты спортшы. Егер Куилли екінші рет кездескісі келетін болса, мен дайынмын", - деді Хамитов.

Еске салайық, Хамитов пен Куилли арасындағы жекпе-жек Алматыда өткен Fight Nghts Global 80 турнирінің басты кездесуі болды. Бес раундтың қорытындысы бойынша төрешілер жеңісті қазақстандық спортшыға берді.

Осылайша 29 жастағы спортшымыз мансабындағы 19 (14 уақытынан бұрын) жеңісіне жетті. Хамитовтың еншісінде 6 жеңіліс бар. Ал 31 жастағы Куилли болса карьерасындағы бесінші жеңілісіне тап болды. 10 жекпе-жекте ол жеңіске жеткен.

Әлеуметтік желілерде бөлісу