UFC ұйымының президенті Дана Уайт жанкүйерлерге ұйымның бұрынғы чемпионы Ронда Роузидің қайта сегізбұрышқа оралады деп үміттенбей-ақ қойса болады дейді. Бұл туралы
AllBoxing.Ru басылымы хабарлайды.
"Егер мен қазір Рондамен сөйлесетін болсам, оған ары қарай төбелесуді тоқтат деп айтатын едім. Менің ойымша ол UFC-дағы карьерасын аяқтады. Ол төбелесті түбегейлі қойып, жаңаша өмір сүруге талпынып жүр. Ол UFC-ді жақсы көретін. Рейтинг, жеңіс, жанкүйерлердің қошеметі ол үшін өте маңызды еді. Бірақ жеңліп қалғаннан кейін ол өзіне "Мен мұнда не істеп жүрмін", - деген сұрақты қоя бастады. Сөйтіп, төбелесуден бас тартты.
Қазір ол басқа шарулармен айналысып жүр. Оның ақшасы да көп. Сондықтан ақшаға ешқашан мұқтаж болмайды. Мен Ронда үшін қуаныштымын. Ол қыздарға ММА-дің жолын ашып берді. Ол ММА-ден қыздар арасында өткен ең айтулы жекпе-жекке қатысты. Сондықтан оның кеткені де дұрыс" - дейді Уайт.
Айта кетейік, өткен жылдың 31 желтоқсанында Лас-Вегаста өткен UFC 207 турнирінде Ронда Роузи бразилиялық Аманда Нуньестен 48 секундта жеңіліп қалған еді. Бұл 29 жастағы спортшының UFC карьерасындағы қатарынан екінші жеңілісі болып тіркелді.
Жарнама