Қазақ файтер UFC-де қарсыласын бірінші раундта жеңгені үшін қанша алғаны айтылды

Сурет: Getty Images ©

Қазақстандық файтер Шавкат Рахмонов БАӘ "Жекпе-жек аралында" өткен UFC-дегі дебютінде бразилиялық Алекс Оливейраны жеңгені үшін 37 500 доллар алды, - деп хабарлайды Vesti.kz.

Sportekz мәліметінше, қазақстандық спортшы октогонға шыққаны үшін 10 000 доллар, жеңісі үшін де осындай сома, сондай-ақ, 3 500 доллар UFC-ден промоутер бонусын алды. Бұдан басқа қарсыласы Оливейра салмақ лимитінен асып кеткеннен кейін гонорарының бір бөлігін беруі тиіс, осылайша, ол Рахмоновқа 14 000 доллар "сыйлады".

Ал бразилиялық жекпе-жек үшін 61 000 доллар алған. Оливейраның промоутерлік бонусы 5 000 доллар болды.

Sports Daily мәліметінше, Хабиб Нурмагомедов Джастин Гэтжимен жекпе-жектен 6 миллион доллардан аса табыс тапқан. Басылым дереккөзінің айтуынша, ресейлік жекпе-жек үшін алты миллион доллардан басқа, сол кеште шыққаны үшін 50 мың доллар бонус және жекпе-жек алдындағы промоушеннің түрлі шарасына қатысқаны үшін тағы 40 мың доллар алған. Бұдан басқа Нурмагомедов жеке ақылы трансляциялардың (PPV) сатылымынан және басқа да демеушілік төлемдерден өз пайызын алады.

Әлеуметтік желілерде бөлісу