Отандасымыз Жалғас Жұмағұловтың UFC ұйымында бірінші қарсыласы атанған бразилиялық Паулиан Пайваның (20-3) осы ұйымдағы келесі қарсыласы белгілі болды.
Пайва келесі жекпе-жегін 31 қазан күні өткізеді. MMA Junkie ақпараты бойынша, оның қарсыласы швециялық Амир Альбази болады. Ол аралас жекпе-жекте 14 кездесу өткізіп, 13 кездесуде жеңіске жетсе, бір кездесуде жеңіліп қалған. Жекпе-жектің қайда өтетіні әзірше белгісіз.
Еске салайық, Раулиан Пайва қазақстандық спортшы Жалғас Жұмағұловтың UFC ұйымындағы бірінші қарсыласы болған еді. Бұл кездесу 11 шілде күні Абу-Даби қаласындағы "Жауынгерлер аралында" өтті. Үш раундтың қорытындысы бойынша төрешілердің күмәнді шешімімен бұл айқаста Пайва жеңіске жеттті. Бұл жеңістен кейін бразилиялық спортшы UFC ұйымымен төрт кездесуге жаңа келісімшарт жасады.
Жарнама