"Шыны керек Ресейде 95 пайызы допингте отыр". UFC файтері отандастары туралы

Арман Царукян. Сурет: Valetudo.ru

UFC промоушенінде өнер көрсететін Арман Царукян "Вестник ММА" YouTube арнасына берген схбатында ресейлік файтерлердің барлығы дерлік тыйым салынған препарат қолданатынын мәлімдеді.

22 жастағы Царукян жекпе-жекке Армения және Ресей туын ұстап шығады. 2019 жылы UFC-де ол екі кезедсу өткізді, сәуірде ресейлік Ислам Махачевтен төрешілер шешімімен жеңілді, ал шілдеде канадалық Оливье Обин-Мерсьені жеңді.

"Ресейлік файтерлер неге UFC-ге шыға алмай жататынын білесіз бе? Өйткені тыйым салынған препарат қолдануға болмайды. Ал шынын айтар болсақ, Ресейде файтерлердің 90-95 допингпен ғана жүр. Осы туралы айтқымыз келмесе де, бұл шындық. Бізде допингке тыйым салмай отыр, ал қарсылас допинг қолданса, сен оны жеңе алмайсың.

Анықтап қарасаңыз ACA (Absolute Championship Akhmat) жекпе-жектері UFC-ге қарағанда қызығырақ, өйткені адамдар талып қалмайды. Бес нокдауннан кейін қайта тұрады да, ары қарай жұдырықтасады. Допинг күші. UFC-де мұндайды көрмейсің. Сондықтан ресейліктер мұнда өнер көрсете алмайды", - деп келтіреді Царукянның сөзін Sports.ru.