"Икемделсе, қауіпті боксшыға айналады". Мамамн Ахмедовтың жаңа салмаққа өтуін түсіндірді

Али Ахмедов. Сурет: Vesti.kz

Америкалық Delcotimes.com сайтының редакторы Джек МакКаферри Vesti.kz тілшісіне берген сұхбатында Али Ахмедовтың (12-0, 9 КО) жаңа дививзиондағы жекпе-жегіне қатысты ойын айтты.

Екінші орта салмақтағы алғашқы жекпе-жегін Ахмедов 24 наурыз Голливудта америкалық Майк Гайға (9-3-1, 5 КО) қарсы өткізеді.

"Ахмедовты осы салмақта тамашалау қызықты болады. Салмағын қалай тастайды екен? Маған өте қызық. Алғашқы жекпе-жектер оның жаңа жағдайға қалай икемделгенін көрсетеді.

Жаңа дивизионға ауысып, қарсылас таңдау - оңай шешім емес. Майк кезінде Деревянченкомен жұдырықтасты - бұл жақсы тәжірибе, бірақ, ол Ахмедовке қауіпті болмайды. Меніңше, жаңа салмаққа дағдыланып алу үшін жақсы қарсылас.

Дивизион ауыстыру қаншалықты дұрыс шешім болды? Жақын арада көреміз. Екінші жағынан, екінші орта салмақ - айтарлықтай кең. Жас боксшы бұл салмақта жылдам өсе алады. Мәселе осында. Бәрі Ахмедовке байланысты. Егер икемделе алса, қауіпті боксшыға айналады", - деп атап өтті МакКаферри.

Еске салайық, Ахмедов негізін қазақстандық Геннадий Головкин (38-1-1, 34 КО) қалаған GGG Promotions компаниясында.

Әлеуметтік желілерде бөлісу