"Нокаутқа асықтым". Уайлдер қолын сындырып алғанын мәлімдеді

Аса ауыр салмақта WBC чемпионы Деонтей Уайлдер (40-0-1, 39 КО) британиялық Тайсон Фьюримен (27-0-1, 19 КО) жекпе-жекке дайындықтан үш ай бұрын қолын сындырып алғанын мәлімдеді. Бұл жағдай оның толыққанды жаттығу өткізе алмауына себеп болған, - деп хабарлайды AllBoxing.Ru.

Бұл жекпе-жек 2 желтоқсан Лос-Анджелестегі Staples Center аренасында өткен бокс кешінің басты оқиғасы болды. 12 раундқа созылған жекпе-жекте Уайлдер қарсыласын екі рет нокдаунға түсірді, алайда, жекпе-жек тең аяқталды.

40 жекпе-жегінде де жеңіске жеткен Уайлдер үшін бұл алғашқы тең түскен кездесу. Фьюри де алғаш рет тең жұдырықтасып отыр.

Жаттығу жиынанан 12 апта бұрын оң қолымды сындырып алдым. Жиын кезінде оң қолыммен соққы жасамадым десе де болды. Менің спарринг-серіктеріменен сұраңыздар. Бүкіл жиын бойы джеб қана ұрып келдім.

Ақталып жатқаным емес. Жақсы жекпе-жек болды. Тайсон Фьюри бар өнерін көрсетті, мен жартысын ғана. Дегенмен қажетті нәтижеге жеттім. Мен әлеуетімді толық ашқанымда не боларын елестетіп көріңізші. Бәріне өзім кінәлі... Нокаутқа асықтым. Бірақ бұдан сабақ алдым. Келесі жекпе-жек біріншісіне ұқсамайтын болады, көңіл-күйіме басымдық бермеймін", - дейді Уайлдер Sirius/XM басылымына.

Әлеуметтік желілерде бөлісу