Санчес "Канеломен" қарымтадан кейін Головкиннің рингте сұхбат бермей кетіп қалғанын түсіндірді

Бапкер Абель Санчес қазақстандық Геннадий Головкиннің (38-1-1, 34 КО) мексикалық Сауль "Канело" Альвареспен (50-1-2, 34 КО) қарымтадан кейін рингте сұхбат бермей, киім аустыратын бөлмеге кетіп қалғанын түсіндірді.

15 қыркүйекте Лас-Вегастағы T-Mobile аренасында өткен қарымтада Альварес тактикасын өзгертіп, төрешілер шешімімен жеңіске жетті. Ал Головкин үшін бұл алғашқы жеңіліс болды.

Санчестің сөзінше, Головкин Альвареске жеңісімен масаттануға уақыт берген.

"Өткені... "Канело" рингте үлкен той жасап жіберді. Геннадий маған белгі беріп: "Оған уақыт беріңіз. Бұл оның сәті" деді. Сұхбат беруге кейін уақытымыз болады. Ол "Канелоға" сол сәтте масаттанып алуға уақыт берді. Ашумен көп сөз айтылды, кей тақырыптар көтерілді, бірақ, бұл сәтті құртуға еш себеп болмады. Бұл "Канелоның" сәті болып қалсын", - деп жазыпты Санчес Reddit қолданушыларының сұрақтар мен жауаптар сессиясында.

Инсайдер Головкин - "Канело" қарымтасының PPV-сатылымы төмен болғанын айтады

Жекпе-жектен кейін "Канело" мен Головкиннің дәрігерлер көмегіне жүгініп, мексикалықтың қабағына алты, ал қазақстандықтың қабағына сегіз тігіс салынды.

Қарымтадан кейін боксшылар үшінші рет жұдырықтасуға дайын екендерін мәлімдеді. Ал мексикалықтың промоутері Оскар Де Ла Хойя үшінші жекпе-жекке қатысты Головкинге талап қойып үлгерді.

Әлеуметтік желілерде бөлісу