"Головкиннен жақсы". Бокс аңызы "Канелоға" шынымен қауіпті боксшыны атады
Аты аңызға айналған боксшы үлкен Хулио Сезар Чавес отандасы Сауль "Канело" Альварес және екінші орта салмақта WBA (Super) чемпионы британиялық Каллум Смит арасындағы жекпе-жекке қатысты пікір білдірді. Мексикалықтың сөзін ESPN Deportes беріп отыр.
Мұның алдында британиялықтың промоутері Эдди Хирн желтоқсандағы жекпе-жек бойынша "Канелоның" командасымен келіссөз жүргізіп жатқанын хабарлаған.
"Смит - бойшаң боксшы, бірақ, кейінгі жекпе-жегінде онша жұдырықтаспады. Сол кезде ол "Канелоның" көзіне түсті. Дегенмен, Каллумнен сақтану қажет. Өз дивизионы үшін ол өте бойшаң және "Канелоға" онымен бетпе-бет келу керек. Смит - тамаша қарсылас. Рингте сәтсіз күн әркімде де болады. "Канело" жеңеді деп ойлаймын, алайда, рингте бәрі болуы мүмкін", - дейді Чавес.
Оның сөзінше, Смит пен америкалық Джермалл Чарло (орта дивизионда WBC чемпионы) "Канело" үшін қазақстандық Геннадий Головкиннен қауіпті.
"Логикалық тұрғыда, Смитпен жекпе-жек "Канело" үшін Головкинмен трилогиядан қызығырақ. Ал Чарло қазір бабында және қыркүйектегі Сергей Деревянченкомен айқаста өте мықты боксшы екенін көрсетті. Джон Райдермен жекпе-жек Смит үшін сәтсіздеу кеш болды, бірақ, ол "Канеломен" кездескенде мүлде басқаша болады", - дейді бокс аңызы.
Загрузка матч-центра...
Жарнама