"Баладан бәрі жұдырықтасудан қашатын ер жасады". Абель Санчес Головкиннің жолын ашқан адамды атады

Қазақстандық Геннадий Головкинді (40-1-1, 35 КО) ұзақ жаттықтырған америкалық бапкер Абель Санчес Fight Hub TV арнасына берген сұхбатында боксшының жетістікке жету сырын ашты.

"Головкин неге жоғары салмаққа өтпейді? Өзінен сұрау керек. Мен оны тек жаттықтырып, залда тілдестім, қалғанының бәрімен менеджерлер, ағайынды Германдар айналысатын. Германияда басқа менеджерлермен кездесіп, жекпе-жек ұйымдастыратын. Мен жекпе-жек күні мен қарсылас атын ғана сұрайтынмын.

Геннадиймен бұл туралы ешқашан сөйлескен емеспін. Өйткені бұл менеджерлердің жұмысы. Олар адамдар байқамайтын үлкен жұмыс атқарды. ағайынды Германдар ғана емес, Том Леффлер де. Ол баладан, 2012 жылы бәрі жұдырықтасудан қашатын ер жасады.

2012 жылға дейін біз Германияда, Панамада, Украинада өнер көрсеттік... GGG-мен ешкім байланысқысы келмеді. Одан кейін қалай екенін білмеймін Том HBO арнасын Головкинді алуға көндірді. Бастапқыда ол Пирогпен жұдырықтасу керек болатын, бірақ, ол омыртқа жарақатына байланысты шығып қалды. Сосын басқа жігітті - Гжегож Проксты ұсынды.

Бұл істің бәрін Леффлер атқарды. Адамдар ісін жақсы атқарса, сенің жұмысың жеңілдей түседі. Саған тек боксшыны ғана жаттықтырп, оның дайын екеніне көз жеткізу ғана керек. Олар Головкинді жарқыратып, атын танымал етті. Сондықтан менеджмент нашар болды деуге келмейді", - дейді Санчес.

Әлеуметтік желілерде бөлісу