"Астана арландары" мен "Ресей патриоттары" арасындағы жекпе-жектің өтетін жері өзгерді

Бүкіләлемдік бокс сериясында (WSB) өнер көрсететін елордалық "Астана арландары" жобадағы жетінші маусымның бірінші ширек финалдық жекпе-жегі Қарағанды қаласында өтетін болды, деп жазады Vesti.kz порталы.

Бұған дейін "арландар" ширек финалдық жекпе-жекті Алматы қаласындағы "Алматы Арена" спорт кешенінде өткізетіні хабарланған еді. Бірақ бүгін бұл екі команда арасындағы бокс кеші Қарағанды қаласындағы Серік Сәпиев атындағы спорт кешенінде өтетінін белгілі болды.

Еске салайық, "Астана арландарының" ширек финалдағы қарсыластары ресейлік "Ресей патриоттары" командасы болады. Бірінші жекпе-жек 11 мамыр күні Ресейдің Кемерова қаласында өтсе, екінші кездесу 20 мамыр күні Қарағандыда өтеді.

Ширек финалдың екі кездесуін де Vesti.kz порталы тікелей эфирде көрсетеді.

"Астана арландары" мен "Ресей патриоттары" арасындағы бірінші жекпе-жекке қатысатын боксшылардың тізімі:

49 келі: Батор Сагалуев - Теміртас Жүсіпов;
56 келі: Дмитрий Шарафутдинов - Ілияс Сүлейменов;
64 келі: Алексей Мазур - Ділмұрат Мижитов;
75 келі: Андрей Ковальчук - Сапарбай Айдаров;
91 келі: Илья Квасников - Антон Пинчук.

Әлеуметтік желілерде бөлісу