Vesti.kz "Астана арландары"мен "Қытай айдаһарлары" арасындағы кездесуді тікелей эфирде көрсетеді

Vesti.kz порталы Бүкіләлемдік бокс сериясының (WSB) жетінші маусымдағы топтық кезеңнің соңғы кездесуінде жолығатын "Астана арландары" мен "Қытай айдаһарлары" арасындағы жекпе-жек кешін тікелей эфирде көрсетеді.

Бұл екі команда арасындағы кездесу 22 сәуір күні Қытайдың Санья қаласында өтеді. Жекпе-жектер Астана уақыты бойынша 17,30-да басталады. Ғаламторда бұл кездесуді мына сілтеме бойынша көре аласыздар. Vesti.kz порталында бұл кездесуді Роман Кушпелов пен Уалихан Қосанбай орыс және қазақ тілдерінде жүргізеді.

Егер бұл кездесуде елордалық клуб қарсыластарынан үстем түсетін болса, С тобында бірінші орынмен плей-офф кезеңіне шығады. Қазіргі уақытта біздің команда 13 ұпаймен өз тобында бірінші орында тұрса, екінші орында тұрған "Өзбек жолбарыстарының" еншсінде 9 ұпай бар.

Қытай жерінде жұдырықтасатын "арландардың" тізімін мына сілтеме бойынша көре аласыздар. Еске салайық, бұл екі ұжым арасындағы бірінші кездесуі қазақстандық боксшылар 5:0 есебімен жеңіске жеткен еді.

Әлеуметтік желілерде бөлісу