"Полтаранин сотталмайтын шығар. Кінәсін мойындаса - жазаланады". Сәпиев допинг дауы туралы

ҚР Мәдениет және спорт министрлігі Спорт және дене шынықтыру істері комитетінің төрағасы Серік Сәпиев Vesti.kz тілшісіне қазақстандық шаңғышы Алексей Полтораниннің жағдайына қатысты пікір білдірді. Спортшы қан допингін қолданғанын мойындады. 

- Серік, сізге қазіргі таңда Алексей Полтараниннің жағдайы туралы не белгілі?

- Алексеймен тікелей әлі сөйлескем жоқ, бірақ, оны босатқанын білемін, бәрі жақсы. 

- Ол кінәсін мойындады ма?

- Онымен сөйлесуім керек, егер шынымен кінәсін мойындаса - онда жазасын тартады. 

- Шетелдік БАҚ Алексей жергілікті заңнама бойынша үш жылға дейін бас бостандығынан айырылатынын жазыпты. Расымен солай ма?

-  Үш жылға сотталады деп ойламамймын, бәрі жақсы болады. 

- Полторанин жақында Мәскеуге келе ме?

- Әзірге білмеймін, бізде Еуропамен уақыт белдеуі бөлек, мен оған таңғысын қоңырау шалмадым. Әзірге белгілісі оны кеше босатқан, ол біздің консулмен кездескен, Федерация басшылығымен де. Жалпы оған барынша көмектесіп жатыр. 

- Бапкерлер штабы, дәрігерлермен тілдестіңіз бе?

- Дәрігерлермен - жоқ, кеше босатпай тұрып, менеджермен сөйлестім. 

- Олар не деді?

-  Оны себебін түсіндірмей ұстап әкеткенін, жалпы қазір белгілі жағдайды айтты.

- Енді сіздер тек қолдау көрсетесіздер ме әлде ішкі тергеу жүргізесіздер ме?

- Алдымен Алексеймен сөйлесу қажет.

Естеріңізге салайық, 27 ақпанда шаңғы жарысынан Қазақстан құрамасының көшбасшысы Алексей Полторанинді австриялық полиция антидопинг ережесін бұзғаны үшін тұтқындаған еді. Қазақстандық шаңғышыдан бөлек, эстониялық Андрус Веерпалу, австриялық Макс Хауке мен тағы бірнеше спортшы тұтқынға алынған.

Сәрсенбіде Полторанин өзінің басты қашықтығы - 15 шақырымдық классикалық жарысқа қатысуы керек еді. Бұл жарыста ол алтын медальге басты үміткерлердің бірі еді.

"Ол өз бөлмесінде шәй ішіп отырған, VADA полициясы келді де, жарыстан шеттетіп тастады. Себебін білмеймін, бірақ оған жақсы шаңғы дайындап қойғанбыз. Өте өкінішті", - деген еді бапкер Алексей Наконечный.

Осыдан кейін қазақстандық спортшы қан допингін пайдаланғанын мойындап, қамаудан босатылды деген ақпарат тараған болатын.